Австралия миллий терма жамоаси ҳужумчиси Тим Кэхилл Осиё кубогидаги асосий рақиб сифатида Япония ва Эрон термаларини тилга олиб ўтди.
"Осиё кубогида Япония ва Эрон хавфли рақиблар бўлади. Эроннинг ЖЧ саралаш босқичини қандай босиб ўтганини ҳамон эслайман. Бу ақл бовар қилмас иш бўлганди.
Биз шафқатсиз бўлишимиз керак. Қандай йўл билан бўлмасин, ғалаба қозонишимиз шарт. Аввал гуруҳ босқичини босиб ўтишимиз керак. Кейинги босқичлар биз ва мухлисларимиз учун катта аҳамиятга эга бўлади", - дейди "Нью Йорк Ред Буллз" клуби футболчиси.
Австралия терма жамоаси мезбон сифатида "А" гуруҳида иштирок этади. Бу гуруҳ вакиллари чорак финалда Ўзбекистон иштирок этадиган "В" гуруҳи жамоалари билан тўқнаш келадилар.
