Буюк Британиянинг Гастингс шаҳрида шахмат бўйича нуфузли турнирлар жамланмаси ўтказиляпти. Ўз тарихида юбилей 90-маротаба ташкил этилаётган ушбу шахмат фестивалининг энг нуфузли турнири Hastings Masters ҳисобланади. 117 нафар шахматчи қатнашаётган ушбу мусобақада ёш гроссмейстеримиз Жаҳонгир Воҳидов (2502) ҳам ўз имкониятини синовдан ўтказяпти.

Кеча ўтказилган 6-тур учрашувида ҳамюртимиз қора доналарда ҳаракат қилишига қарамай, ўзи каби 3,5 очкога эга бўлиб турган британиялик Жеймс Жексонни мағлубиятга учратди.

Очколарини 4,5 тага етказиб олган Жаҳонгир бугун 7-турда австриялик Йоахим Уоллнер билан муносабатларига ойдинлик киритади. Воҳидов турнир жадвалида қўшимча кўрсаткичларга кўра 10-поғонадан жой олган. Учинчи ўринни эгаллаб турган исроиллик гроссмейстер Максим Родштейнда ҳам 4,5 очко бор.