"Барселона" бош мураббий Луис Энрике ва жамоа ҳужамчиси Лионель Месси ўртасида юзага келган зиддиятнинг баъзи сабаблари маълум бўлди.
Sport.es хабарига кўра , 44 ёшли мутахассис машғулотда қатнашмаган аргентиналик ҳужумчига ошкора ҳайфсан эълон қилинишини истаган.
Бунинг устига "Барселона" етакчилари Хави, Андрес Иньеста ва Серхио Бускетс бош мураббийдан бундай қилмасликни, шундоқ ҳам жамоада муҳит ёмонлашганини билдиришган.
Аввалроқ Хави, Иньеста ва Бускетс Месси билан Луис Энрике ўртасидаги муносабатларни илиқлаштиришга ҳаракат қилганлари хабар қилинган эди.
Расмий хабарларга кўра, аргентиналик футболчи гастроэнтерит туфайли машғулотда иштирок этмаган, аммо футболчи шифокорларга мурожаат қилмаган.