Хабарингиз бор, кеча Ўзбекистон миллий терма жамоаси Сидней шаҳрида Малайзиянинг “Жоҳор Даърул Таъзим” клубига қарши ўртоқлик ўйинида майдонга тушди ва 4:1 ҳисобида ғалаба қозонди.
Сиднейдаги Парамата шаҳрида ўтказилган учрашувдан сўнг “Даърул Таъзим” клуби бош мураббийи Боян Ходак ўйин ҳақидаги ўз фикрлари билан ўртоқлашди.
“Ўзбекистон терма жамоаси билан ўртоқлик учрашуви ўтказганимиздан жуда хурсандман. Чунки ушбу жамоа Осиёнинг энг кучли термаларидан бири ҳисобланади. Биз уларга қарши ўйин орқали келгусида қайси жиҳатларга кўпроқ эътибор қаратишимиз лозимлигини аниқлаб олдик”, - дея ОФК расмий сайти Боян Ходак фикрларидан иқтибос келтиради.
