Қибрайда ўтган "Пахтакор" ва "Динамо" жамоалари ўртасидаги назорат ўйинида ҳисоб очилмади.

Жамоамиз айни кунларда кунига 2 мартадан жисмоний машқларни бажараётгани сабабли учрашувда ҳаракат қилиш футболчиларга осон бўлмади. Шунга қарамай, тўп киритиш учун бир қатор вазиятлар юзага келтирилди, бироқ улардан фойдаланиш насиб этмади. 17-дақиқада рақиб ярим ҳимоячиси Шарофиддиновнинг пенальтидан тепган тўпини Лобанов қайтариб қолди. Учрашув давомида 26 футболчи синаб кўрилди. Наврўз Олимов ва Жамшид Болтабоев тиззасидан олган жароҳати сабабли ҳозирча машғулотларда қатнашмаяпти. Эркин Бойдуллаев эса ҳозирча кўрикдан ўтмоқда.

"Пахтакор" - "Динамо" - 0:0
"Пахтакор": Лобанов, Мерзляков, Ораховац, Тожиев, Ҳошимов, Соҳибов, Бойдуллаев, Андреев, Каримов, Машарипов, Пардаев.
54-дақиқадан бошлаб: Рибкин (Абдужалилов, 76), Холмуҳаммедов, Абдуллаев, Сидоров, Шойқулов (Йўлдошев, 74), Раҳматуллаев, Мирзаев (Шотурсунов, 77), Толипов, Рекун (Сидиқов, 83), Солиев, Ж.Ҳакимов.