Туркия терма жамоаси бош мураббийи Фотиҳ Терим мамлакатдаги футболнинг ташкилий ишларини танқид қилди ва мамлакатда футболни ислоҳ қилишга чақирди.
"Афсуски, футбол бизнинг мамлакатда нотўғри йўлдан кетмоқда, бу ҳамма жабҳаларда кўринмоқда. Туркия футболга жуда катта пул сарфламоқда, аммо натижа ҳалқаро майдонларда ҳам, ёш футболчиларни тайёрлашда ҳам йўқ.
Омадли терма жамоа футболчилари Европанинг бешта кучли чемпионати: Англия, Германия, Франция, Италия ва Испанияда ўйнамоқдалар. Биздан фақат Арда Туронгина "Атлетико"да ўйнамоқда.
Турк мураббийлари ҳамкасблари билан конференцияларда учрашишни хушламайдилар, бунинг ўрнига кўчада чекиб туришни афзал биладилар.
Кучли жамоани ютиш учун рақибдан кўра кўпроқ югуриш керак. Бизнинг клубларда машғулотлар учун шароитлар яхши эмас. Бошқа давлатларда болалар 5 ёшидан ўйнай бошлайдилар, Туркияда эса 10 ёшдан. Маҳоратли футболчи бўлиш учун камида 10 минг соат ўйнаш керак.
Агар Месси ёшлигида Туркияга келганида, биз уни нимжон деб атаган бўлар эдик. Уни ёши "урилган" болалар топтаб ташлаган бўлар эди. Биз Мессини гном деб атаган бўлар эдик, чунки у бу ерда ҳеч нарсага эриша олмас эди. Ёки аксинча, ОАВ уни кўкларга кўтарган бўлар ва у бу босимни кўтара олмас эди", - дейди Терим.
