"Реал" посбони Икер Касильяс ўзи зиддиятга борган жамоанинг собиқ устози Жозе Моуриньодан хафа эмаслигини маълум қилди.

"Анчелотти Моуриньодан яхшироқ. Жозе билан муносабатларимиз ҳурмат ва нафрат оралиғида бўлган эди. Моуриньо шу ердалигида ҳам буни муҳокама қилмаганман ва ҳозир ҳам қилмоқчи эмасман. Бу мен томонимда қўрқоқлик бўлар эди. Моуриньога омад тилайман.

Ҳар қалай, "Реал" унинг қўл остида совринлар ютди, бунинг учун раҳмат айтиш керак. Агар кўришиб қолсак, унга қўл бераман, буни қабул қилиш ёки қилмаслик - Жозенинг иши. Жамоадан кетиш ҳақида ўйлаган вақтларим бўлган, аммо энди фаолиятимни "Реал"да якунламоқчиман", - дейди Касильяс.