Фейсбукдаги "UZBEKISTAN IN AFC ASIAN CUP 2015" гуруҳига Мирзааҳмад Мубораков исмли мухлис терма жамоага атаб шеър ёзиб қолдирди.

Кўзни юмиб тепса ҳам
Биттаси гол бўларди.
Ҳеч бўлмаса дурангга
Мухлислар ҳам кўнарди.

Хитой ҳам ёмон эмас,
Жуда яхши ўйнади.
Ҳаммасидан ҳам кўпроқ,
Нестеровни қийнади.

Яхшиям Аҳмедов бор
Рекошетдан гол урди.
Хитойда ҳам бор экан,
Дарвозасига бурди.

Хитойликларга қойил,
Бир зум тинмай югурди.
Футболчиларимиз тугул,
Камера зўрға улгурди.

Энди буёғи араб,
Ютолмасак қайтамиз.
Миржалол Қосимовга
Катта "раҳмат" айтамиз!

Арабларни ҳам билмай
Ютиб қуйдик ҳам дейлик.
Австралиядан кейин
Яна олтита ейлик.

Бу галги турнир энди
Биз учун тамом бўлди.
"Кенгурулар" билан тушсак,
Терма деярли ўлди.