Франция терма жамоасининг собиқ футболчиси Давид Жинола ФИФА президентлиги учун кечадиган сайловга ўз номзодини қўймоқчи. Бу ҳақда Жинола бугун эълон қилди.
Унинг сайловда иштирок этиши учун Paddy Power букмекерлик компанияси 250 минг фунт стерлинг миқдорда молиявий ёрдам ажратди. Шунингдек, у мухлисларидан яна қўшимча 3 миллион евро йиғилишини кутмоқда. У бу пулларни сайловолди кампаниясига сарфлайди.
Жинола ўз номзодини расман тасдиқдан ўтказиши учун сўнгги 5 йилдан икки йилида футбол раҳбари раҳбари лавозимида ишлаганини исботлаши шарт ва камида 5та футбол ассоциациясининг қўллаб-қувватлашини олиши керак.
ФИФА президентлиги учун сайлов шу йилнинг май ойида бўлиб ўтади. Шу пайтгача ушбу лавозим учун амалдаги президент Зепп Блаттер, ФИФАнинг собиқ бош котиби Жером Шампань ва Иордания шаҳзодаси Али бин Ҳуссайн ўз номзодларини илгари суришди.
