МДҲ кубоги мусобақасининг очилиш маросимида қатнашиш учун Россияга ташриф буюрган ФИФА президенти Йозеф Блаттер матбуот анжуманида Россия футбол иттифоқининг терма жамоа бош мураббийи Фабио Капелло олдидаги қарзи борасидаги саволга жавоб берди.
"Бу маҳаллий муаммо, ФИФАнинг муаммоси эмас. Мендан буни сўраманглар", - деди Блаттер.
"РФИ бу мавзуда кўп маълумот берган. Биз шартнома мажбуриятларини имкон қадар тезроқ бажариш учун ҳамма чораларни кўряпмиз. Мажбуриятларни бажарганимиздан сўнг бу ҳақда ОАВга хабар берамиз", - дейди РФИ президенти Николай Толстих.
