"Ливерпуль" клуби Қозоннинг "Рубин" клуби ҳужумчиси Сардор Азмунга қизиқмоқда, дея хабар беради Calcio Mercato.
Амалга ошиши мумкин бўлган келишув 5 миллион фунт стерлингга баҳоланмоқда ва қизиллар устози Брендан Роджерс ёш иқтидор эгасини ўз жамоаси сафида кўрмоқчи.
20 ёшли эронлик футболчи бу мавсумда "Рубин"нинг 15 учрашувида иштирок этиб, икки гол урган ва бир голли узатма берган. Айни вақтда Азмун Эрон терма жамоаси билан Осиё кубоги-2015 мусобақасида иштирок этмоқда ва мусобақанинг плэй-оффига чиқишга улгурди.
Шунингдек, футболчига "Тоттенҳэм" ҳам қизиқаётганлиги айтилмоқда.
