Туркиядаги йиғинда биринчи назорат ўйинида жамоамиз ғалаба қозонди.

Қозоғистоннинг "Жетису" клуби билан майдонга тушган "Пахтакор" 2:1 ҳисобида зафар қучди. Биринчи бўлимда устунлик кўпроқ жамоамиз тарафида бўлди. 20-дақиқада Соҳибовнинг зарбасидан кейин тўп дарвоза устунидан қайтди. 35-дақиқада Ораховац ҳисобни очди. Аднан яқиндагина "Пахтакор" билан шартнома имзолаганди. Биринчи бўлим охирида рақиб ҳисобни тенглаштирди.

Иккинчи бўлимда "Пахтакор" таркибида бир неча ўзгариш амалга оширилди. 49-дақиқада Андреевнинг зарбасидан кейин тўп "Жетису" футболчисига тегиб, дарвоза тўридан жой олди. Ушбу натижа ўйин охиригача ўзгармади. Кейинги назорат баҳсини "шерлар" 20 январь куни Россиянинг "Мордовия" жамоасига қарши ўтказади.

"ПАХТАКОР" - "ЖЕТИСУ" - 2:1 (1:1)
Голлар: Ораховац 35, Андреев 49.
"Пахтакор": Рибкин, Мерзляков, Тожиев (И.Абдуллаев, 75), Ораховац, Ҳошимов (Холмуҳаммедов, 76), Соҳибов (Ж.Ҳакимов, 79), Андреев (Махарадзе, 54), Исматуллаев (Козак, 62), Каримов (Раҳматуллаев, 46), Машарипов (Солиев, 66), Пардаев (Олимов, 57).