"Реал" клуби бразилиянинг "Крузейро" клуби яримҳимоячиси Лукас Силвага қизиқишда давом этмоқда. Бу ҳақда футболчининг отаси Мигел Виейра маълум қилди.
"Ўғлимнинг агенти Луис Роша менга қўнғироқ қилиб, "Реал" музокараларни яна бошлаганини айтди. Аммо тафсилотларини менга айтмади. Биз футболчига ҳам, ""Крузейро"га ҳам энг яхши вариантни қидирмоқдамиз. "Реал" ўз яримҳимоячиларидан бирини сотиб юбориб, менинг ўғлимни сотиб олмоқчи", - дейди Виейра.
Эслатиб ўтамиз, аввалроқ "Реал" яримҳимоячи Асьер Ильярамендини сотиб, Лукас Силвани қўшиб олиши мумкинлиги ҳақида хабарлар тарқалган эди. "Крузейро" Силва учун 15 миллион евро сўрамоқда.
