Наманганнинг “Навбаҳор” жамоаси 19 январь кунидан бошлаб янги мавсумга тайёргарликни Тошкентда бошлади.

Эндиликда наманганликлар 31 январь кунига қадар пойтахтда машғулотларни давом эттиришади.Жамоа режаларига кўра, улар февраль ойининг бошларида ПФЛ кубогида қатнашишни мақсад қилишган.

Таркибдаги ўзгаришларга тўҳталадиган бўлсак, белорусиялик легионер Юрий Рижко клубга келиб қўшилди. Бундан ташқари, сербиядан ҳам футболчи келди. 27 ёшли ҳужумчи Александр Лепосавич айни паллада клуб машғулотларида иштирок этмоқда. Унинг сўнгги тўп сурган жойи Черногориянинг “Петровач” клуби бўлди. Лепосавич назорат учрашувларда мураббийлар штабига манзур бўладиган ўйинни намойиш этадиган бўлса, фаолиятини “Навбаҳор”да давом эттириши мумкин.