"Машъал" янги мавсум аввалида жамоага бир неча легионерларни таклиф этган. Айтиб ўтиш керакки, айни вақтда муборакликлар таклиф этаётган легионерларнинг барчаси кўрикдан ўтади. Легионер талабга жавоб берган тақдирда жамоада қолиши мумкин.

Айни вақтда жамоамизда Россиядан Владислав Иванов (ҳужумчи), Молдовадан Василий Солтан (ярим ҳимоячи)лар бўлиб турган эди. Бугунги йиғинга Беларусияда Никита Букаткин ҳам келиб қўшилади.

1988 йилда таваллуд топган ярим ҳимоячи Беларусия фуқaроси ҳисобланади. Фаолиятини Беларусия чемпионатида олиб борган. Шу вақтга қадар "Нафтан" (2010-2013), "Минск" (2013), "Белшина" (2014) клубларида ҳаракат қилган.