«Милан» бош мураббийи Филиппо Индзаги «Лацио»га қарши ўйиндан (1:3) кейин матбуот анжуманида иштирок этаркан, истеъфога чиқиш ниятида эмаслигини таъкидлаб ўтди.
«Агар муаммо фақат менда деб ҳисобласам, истеъфо берган бўлардим. Жамоа менга ишонади. Ҳозирча бу камлик қилмоқда, аммо мавсум охиригача ҳали узоқ ва биз Италия кубоги ярим финалига чиқишимиз мумкин.
Атиги бир ой аввалги ҳолатимизга қайтиш учун ишлашда давом этишимиз кераклигини яхши биламиз. Бугунги ўйинда осон бўлмаслигини билардим, ахир ўтган мавсумда жамоа икки марта мураббийни алмаштирди», – дейди Индзаги.
Аввалроқ Индзагининг ўрнига Лучано Спаллетти ёки Чезаре Пранделли "Милан" бош мураббийига айланиши мумкинлиги ҳақида хабарлар тарқалганди.
