Туркиянинг Истанбул шаҳрида йиғин ўтказаётган Ўзбекистон U-20 ёшлар терма жамоаси кеча Озарбайжон U-20 ёшлар терма жамоасига қарши ўртоқлик ўйинида майдонга тушиб 3:1 ҳисобида ғалаба қозонди.

Айни кунларда Туркияда янги йилдаги илк йиғинини ўтказаётган Ўзбекистон U-20 терма жамоаси кеча Озарбайжон ёшлар терма жамоасига қарши ўртоқлик учрашувида майдонга тушди. Ушбу учрашув Равшан Ҳайдаров шогирдларининг устунлигида ва терма жамоа Ўзбекистон ёшлар терма жамоаси 3:1 ҳисобида ғалаба қозонди.

Ўзбекистон ёшлар терма жамоасининг голларига Жавоҳир Сиддиқов, Элдор Шомуродов ва Достон Ҳамдамовлар муаллифлик қилишди.

Равшан Ҳайдаров жамоаси бунгача йиғин давомида 22 январь куни Украина U-21 терма жамоасига қарши ўртоқлик учрашувида майдонга тушиб 1:1 ҳисобида дуранг ўйнаган эди.

Маълумот учун, 31 январгача давом этадиган йиғин давомида Ўзбекистон U-20 терма жамоаси Украина ёшларига қарши яна бир ўртоқлик учрашувида майдонга тушади. Режага кўра ушбу терма жамоалар ўртасидаги иккинчи ўртоқлик ўйини 28 январь куни бўлиб ўтади. Ўзбекистон ёшлар терма жамоаси шунингдек, 25 январь куни Сингапур U-20 ёшлар терма жамоаларига қарши ўртоқлик учрашувларида майдонга тушиши режалаштирилган.

Эслатиб ўтамиз, Ўзбекистон U-20 терма жамоасининг Туркиядаги йиғинига жами 22 нафар футболчи жалб этилган.

Ўртоқлик учрашуви.
24 январь. Истанбул, Туркия.
Ўзбекистон U-20 - Озарбайжон U-20 3:1
Голлар: Жавоҳир Сиддиқов, Элдор Шомуродов, Достон Ҳамдамов.