"Кордоба" ҳимоячиси Эдимар "Реал" ҳужумчиси Криштиану Роналду майдондан четлатилгани учун қандай дисквалификация олиши кераклиги ҳақида ўз фикрларини билдириб ўтди.

— Нима деб ўйлайсиз, Роналду сизга атайлаб зарба бердими?
— Йўқ, "Реал" жарима зарбасини амалга ошираётган эди ва Роналду томонидан ҳеч қандай тажавузкор ҳаракат сезилмади. У менинг оёғимга тепди ва юзимга урди. Бошқа ҳеч нарса қилгани йўқ. Айтмоқчиманки, ҳакамлар буни тушунишади: бундай ҳолатлар футбол майдонида рўй бериб туради.

— Агар у 3та ўйиндан иборат дисквалификация олса, "Атлетико" билан дербини ўтказиб юбориши мумкинлигини биласизми?
— Криштиану оддий дисквалификация олиши лозим, ундан битта ўйин ҳам ортиқ эмас. Уни хафа қилишни истамайман. У дунёнинг энг яхши футболчиси бўлиб қолаверади", - дейди Эдимар.