«Реал» ҳимоячиси Серхио Рамос клубнинг шартномани узайтириш борасидаги дастлабки таклифини рад этди. Бу ҳақда Cuatro хабар тарқатди.
Унинг мадридликлар билан амалдаги келишуви 2017 йилнинг ёзида ниҳоясига етади. Ўтган ҳафта футболчи клуб президенти Флорентино Перес билан янги келишув борасида музокара ўтказди. Рамос ҳозирда маош борасида келишолмаяпти.
Маълум бўлишича, «Реал» йилига 6 миллион евродан камроқ таклиф қилмоқда. Серхиони бу сумма қониқтирмаяпти. Зеро, «Реал»да Криштиану Роналду (17 млн.), Гарет Бэйл (11 млн.), Карим Бензема (8 млн.) ва Икер Касильяс (6 млн.) каби футболчилар кўпроқ олишади. Хабарларга кўра, Мадрид клуби раҳбарияти Рамоснинг шартномасини узайтириш масаласини мавсум охирига қолдирган.
