“Барселона” жамоасининг собиқ бош мураббийи Хорди Роура каталон клубининг ёшлар жамоаси бўйича спорт директори лавозимини эгаллади. Бу ҳақда раҳбарият қарорига асосланиб, жамоа расмий сайти хабар берган.

Маълум қилинишича, ушбу 47 ёшли мутахассис “Барселона Б” жамоасининг ривожланиш масалалари билан шуғулланади.

Бундан ташқари, жамоа директорлари унга вояга етмаган ёш футболчилар билан шартнома тузмасликни ҳамда ФИФА қоидаларига қатъий руиоя қилишни тайинлашган.

Эслатиб ўтамиз, Роура 2013 йилда Тито Виланова даъволаниш учун АҚШга кетгач, жамоани қабул қилиб олиб, бир мавсум давомида бошқарган эди.