Немис нашрлари Австралияда бўлиб ўтаётган Осиё Кубоги-2015 турнирида ўзини кўрсатган икки ёш футболчини алоҳида қайд этган ва уларнинг Европа майдонларида тўп суриши кераклигини таъкидлаган.
Ўзбекистонлик Сардор Рашидов ва БАА вакили Умар Абдулраҳмоннинг ўйинлари европаликларда катта таассурот қолдиргани ҳамда бу футболчиларга бир қатор машҳур клублардан қизиқиш мавжудлигига шаъма қилиб ўтилган. Бу ҳақда sports.uz хабар бермоқда.
Тахмин қилинишича, Умар Абдулраҳмонга Дортмунднинг “Боруссия” ҳамда Англиянинг “Манчестер Сити” жамоасидан қизиқиш мавжуд. Сардор Рашидов эса, Испаниядаги ўртамиёна жамоалар ёки Туркиянинг кучлироқ жамоаларидан бирига ўтиши мумкин.
