2022 йили Қатарда бўлиб ўтиши кутилаётган футбол бўйича жаҳон чемпионати ўйинлари давомида мамлакат ҳудудида спиртли ичимликлар савдосига рухсат берилади. Бу ҳақда турнир ташкилотчиларига асосланиб, ТАСС хабар бермоқда.
Маълумот учун, Қатарда спиртли ичимликларни сотиш қонун бўйича тақиқланади, бундан фақат сайёҳлар учун махсус дўконлар ва меҳмонхоналар мустасно ҳисобланади.
Шунингдек, қатарликларнинг жамоат жойида маст аҳволда юриши ҳамда автомобилни маст аҳволда бошқариши ўта оғир жиноятлар сирасига киради.
Мамлакат ҳудудига маст қилувчи ичимликларни олиб кириш ҳам тақиқланган.
“Спиртли ичимликлар ва Қатар аҳолиси анъаналарини бирга тасаввур қилиб бўлмайди. Лекин, чемпионат бўлиб ўтадиган бир ой давомида шаҳарларда спиртли ичимликлар билан савдо қилувчи дўконлар ишлаб туради. Бу бўйича аниқ режалар яқин орада эълон қилинади”, – дейилади ташкилий қўмита йиғилишида.
