Туркияда ўқув-машғулот йиғинини олиб бораётган Ўзбекистон ёшлар (U-20) терма жамоаси бугун иккинчи бор Украина ёшлар (U-21) терма жамоаси билан ўйнайди.
Бугунги ўйин Тошкент вақти билан соат 20:00да бошланади.
Бунга қадар 22 январь куни Украина (U-21) жамоаси билан 1:1 ҳисобида дуранг ўйнаган футболчиларимиз 24 январда Озарбайжон (U-20) жамоасини 3:1 ҳисобида мағлуб этишганди.
Ёшларимизнинг йиғини 31 январга қадар давом этади.
Таъкидлаш лозим, мазкур йиғин Ҳайдаров жамоаси учун шу йилнинг 30 май куни Янги Зеландияда старт оладиган U-20 ёшлар ўртасидаги Жаҳон Чемпионатига тайёргарлик босқичидан ўрин олган илк йиғин ҳисобланади.
Эслатиб ўтамиз, Ўзекистон ёшлар терма жамоаси ўтган йили Мьянмада ўтказилган ёшлар ўртасидаги Осиё Чемпионатида кучли тўртликка кирган ва жаҳон чемпионати йўлланмасини қўлга киритган эди.
