Осиё кубогининг бронза медали учун кечадиган ўйинни, аваал хабар бериб ўтилганидек, Фахад ал-Мирдасий (Саудия Арабистони) эмас, Навоф Шукруллоҳ (Баҳрайн) бошқариб бориши аниқланди.
Ироқ ва БАА терма жамоалари ўртасидаги ўйин эртага, 30 январь куни соат 14:00да бошланади. Шукруллоҳга қанотларда ҳамюртлари Ёсир Тулефат ва Иброҳим Солиҳ ёрдам беришади. Австралиялик Бенжамин Уильямс захира ҳаками вазифасини бажаради.
Саудиялик Ал-Мирдасий эса Ж.Корея ва Австралия ўртасидаги финал баҳсида захира ҳаками вазифасини бажаради. Финални эронлик Алиризо Фағоний бошқариб бориши ҳақида хабар бериб ўтгандик.
