Австралиянинг Мельбурн шаҳрида бўлиб ўтаётган “Катта дубулға” туркумига кирувчи Австралия Очиқ чемпионатининг ёшлар ўртасидаги турнирида ўзбекистонлик 18 ёшли теннисчи Жўрабек Каримов финал йўлланмаси учун ўйин ўтказади.
У чорак финалда грециялик Стефано Циципасни 3 сет натижасига кўра мағлуб этган (3:6, 6:4, 6:1).
Маълумот учун, у бунгача Андрея Пеллегринони (Италия) 6:3, 6:3, Сун-Ву Квонни (Жанубий Корея) 6:3, 6:1 ва Тим ван Рийтховенни (Нидерландия) 7:6, 6:2 ҳисобларида мағлуб этган.
Энди дунёнинг энг кучли ёш теннисчилари рейтингида 44 ўринда қайд этилувчи Жўрабек Каримов финал йўлланмаси учун россиялик Роман Сафиулинга қарши кортга чиқади.
