Бирлашган Араб Амирликлар миллий терма жамоаси Осиё кубогининг бронза медалини қўлга киритди. Учинчи ўрин учун кечган баҳсда Али Маҳдий шогирдлари Ироқни мағлуб эта олишди.

Ўйиннинг 13-дақиқасида мусобақа кашфиёти Умар Абдулраҳмон Аҳмад Халилни бирга бир вазиятга чиқарди ва у ҳисобни очди. Биринчи бўлим охиригача ироқликлар нафақат ҳисобни тенглаштиришди, балки ҳисобда олдинга ҳам чиқиб олишди. Дастлаб Амирлик ҳимоячилари Волиб Салим зарба йўллаш имкониятини бериб қўйишди. Натижада рекошет натижасида тўп дарвозага бориб тушди.

Ўйин тугашига бир неча дақиқа қолганида олис масофадан йўлланган зарбани БААлик дарвозабон қайтарди ва қайтган тўпни Амжад Калаф дарвозага йўллади.

Иккинчи бўлим бошида Маҳдий шогирдлари ўйин тақдирини ҳал қилишди. Умарнинг ажойиб узатмасидан кейин Халил яна бирга бир вазиятга чиқди ва дарвозабонни доғда қолдирди. Орадан кўп ўтмасдан ироқлик ҳимоячиларнинг қўпол хатосидан сўнг Али Мабхут жарима майдончасига ичида дарвозабон бирга бир вазиятга чиқаётганида Аҳмад Халил уни ортидан тортиб йиқитди. Натижада қизил карточка ва пенальти. Али Мабхут пенальтидан самарали фойдаланиб, ўзининг турнирдаги бешинчи голини урди.

Ўйиндан кейин БАА терма жамоаси футболчиларига бронза медаллари топширилди.

Осиё кубоги-2015. 3-ўрин учун баҳс
ИРОҚ - БАА - 2:3
Голлар: Волид Салим (29), Амжад Калаф (42) — Аҳмад Ҳалил (16, 52), Али Мабхут (57-пен.)