31 январь куни Тошкент вақти билан соат 14.00да Австралиянинг Сидней шаҳридаги 83000 томошабинга мўлжалланган «Stadium Australia» стадионида Осиё кубоги-2015 финалида Австралия ва Жанубий Корея терма жамоалари ўзаро тўқнаш келади.

Ушбу ўйинда Австралия ғалаба қозонгудек бўлса унда янги чемпион номини билиб оламиз, агарда Жанубий Корея ғалаба қозонса, бу уларнинг учинчи бор чемпионлиги бўлиб тарихдан жой олишади. Финалнинг энг эътиборли жиҳати шунда-ки, бу иккала терма жамоа гуруҳ босқичида ҳам учрашиб, якунда жанубий кореяликлар 1:0 ҳисобида ғалаба қозониб, гуруҳда 1-ўринни эгаллашган эди. Финалда Австралия гуруҳдаги мағлубиятдан сўнг тўғри хулоса чиқариб, Жанубий Корея устидан ғалаба қозонадими йўқми, буни вақт кўрсатади.

Австралия - Жанубий Корея ўзаро ўйинлар статистикаси (1-2-2, Т-Н - 3-6):
05.09.2009. Ж.Корея – Австралия – 3:1
14.01.2011. Австралия - Ж.Корея – 1:1
14.11.2012. Ж.Корея – Австралия – 1:2
20.07.2013. Ж.Корея – Австралия – 0:0
17.01.2015. Австралия - Ж.Корея – 0:1

Австралиянинг ОК-2015 мусобақасидаги натижаси ва сариқ карточкалари:
Гуруҳ босқичи:
09.01.15. Австралия - Қувайт 4-1
13.01.15. Австралия - Уммон 4-0 (2та сариқ)
17.01.15. Австралия - Ж.Корея 0-1 (3та сариқ)
Чорак финал: 22.01.15. Австралия – Хитой – 2:0 (1та сариқ)
Ярим финал: 27.01.15. Австралия – БАА – 2:0 (2та сариқ)

Ж.Кореянинг ОК-2015 мусобақасидаги натижаси ва сариқ карточкалари:
Гуруҳ босқичи:
10.01.15. Ж. Корея – Уммон – 1:0
13.01.15. Ж. Корея – Кувайт – 1:0 (3та сариқ)
17.01.15. Ж. Корея – Австралия – 1:0 (2та сариқ)
Чорак финал: 22.01.15. Ж. Корея – Ўзбекистон – 0:0, қ.в. 2:0 (1та сариқ)
Ярим финал: 27.01.15. Ж. Корея – Ироқ - 2:0 (3та сариқ)

Австралия термаси ушбу мусобақада энг кўп 12та гол киритган жамоа бўлса, Жанубий Корея термаси эса ўз дарвозасидан ҳалигача биронта ҳам тўп олиб чиқмаган ягона жамоадир. Финалда Австралиянинг сермаҳсул ҳужумчилари Жанубий Кореянинг «корейсча каттеначо» ҳимоясини ёриб ўтиб гол уришга йўл топа олармикан?

Абдумажид Қодиров тайёрлади.