“Барселона” жамоасининг бразилиялик ҳужумчиси Неймар яқин вақтлар ичида жамоа билан янги келишув имзолаб, ўз шартномасини узайтириши кутилмоқда.
Бу бўйича музокаралар футболчининг агенти томонидан ўтган йилнинг декабрь ойидан бери олиб борилаётгани маълум қилинган.
Хабар қилинишича, бу янги шартнома футболчининг “кўк-анорранглилар” сафида 2020 йилгача қолишини таъминлайди. Бу келишув бандларига кўра, Неймар маош олиш бўйича Суаресдан олдинга чиқиб, жамоада Мессидан кейин энг кўп иш ҳақи оладиган футболчига айланади.
Маълумот учун, Испания чемпионатининг бу мавсуми Неймар учун аввалгиларидан омадлироқ кечмоқда, у 17 ўйинда 14та гол киритган ҳолда жамоа тўпурарларидан бири бўлиб турибди.
