"Манчестер Юнайтед" яримҳимоячиси Анхель Ди Мария Англияда яшаб турган уйига қайтишга қўрқмоқда, дея хабар беради Marca.
Бу мавсумдан бошлаб "МЮ"да ўйнаётган аргентиналик футболчининг уйига талончилар ҳужум қилган. Бу вақтда Ди Мария оиласи билан уйида бўлган, талончилар уйга ўрнатилган сигнализация ишлаб кетганидан сўнг қочиб қолишган.
Marca нашри хабарига кўра, футболчининг оиласи қаттиқ қўрқувда ва ҳозирда отелда қўриқчилар назорати остида яшамоқда ва янги уйга кўчиб ўтишни режалаштирмоқда.