Эрон Про-лигасининг 19-туридан ўрин олган учрашувда ҳамюртимиз Баҳодир Насимов тўп тепаётган “Падидеҳ” клуби сафарда Табризнинг “Тракторсозий” клуби меҳмони бўлиб, кутилмаганда 3:1 ҳисобидаги ғалаба билан қайтди.
Қувонарлиси, терма жамоамиз ҳужумчиси 45-дақиқада клубининг иккинчи голига муаллифлик қилди. Ризо Хақиқий 23-дақиқада пенальтини аниқ амалга ошириб, меҳмонларни ҳисобда олдинга олиб чиққанди. 41-дақиқада Игор Прахич ўз дарвозасини ишғол қилиб, мувозанатнинг тикланишига сабаб бўлди. 51-дақиқада Ризо Насиҳий ўзининг аниқ зарбаси билан ўйинга нуқта қўйди. Баҳодир Насимов ўйиннинг 81-дақиқасида ўз ўрнини жамоадошига бўшатиб берди.
Кечаги ғалабадан сўнг "Падидеҳ" 24 очко билан 9-ўринга кўтарилиб олди. “Тракторсозий” эса 32 очко билан 5-ўринда қолди. Турнир жадвалида “Фулад Хузестан” жамоаси 37 очко билан пешқадамлик қиляпти. Фозил Мусаевнинг “Истиқлол”и 34 очко билан кучли учликка якун ясаган.
