Мадриднинг “Реал” клуби Примерода телевизион ҳуқуқларни сотишдан тушадиган даромадларни тақсимлаш бўйича янги модель тузилишига розилик берди. Бу ҳақда sports.ru нашри Испания Примероси президенти Хавьер Тебасга таяниб хабар қилмоқда.
Янги моделга кўра, “Реал” ва “Барселона” телеҳуқуқлардан энг кам ҳақ тўланадиган жамоага нисбатан 4 баробар кўпроқ пул олишади. Айни вақтда “Реал” ва “Барселона” 6,5 баробар кўпроқ пул олишаётганди.
Эслатиб ўтамиз, “Барселона” бундай ўзгаришларга ўтган йили рози бўлганди.
Ўзгаришлар 2016/17 мавсумидан кучга киради. Ҳозир “Реал” ва “Барселона” Примеро клублари бир йилда телевизион ҳуқуқларни сотишдан ишлаб топаётган 800 миллион евронинг деярли ярмини ўзлариники қилиб олишмоқда.
