«Барселона» ҳужумчиси Лионель Месси Испания чемпионатининг 22-турида «Атлетик» дарвозасига жарима зарбасидан гол урди (биринчи бўлимдан кейин ҳисоб - 2:0).

Шу тариқа, аргентиналик футболчи Испания чемпионати доирасида ўзининг жаримадан 12-голини урди. Бу орқали у Ривалдодан (11та гол) ўтиб кетди. Ундан ташқари Дуда ва Асунсао ҳисобида жаримадан урилган 12та гол бор.

Сўнгги 20 йил ичида Мессидан кўра Ла лигада жарима зарбасини тўғридан-тўғри голга айлантирганлар орасида 3 нафар футболчи бор: Криштиану Роналду ва Роналдиньо (иккиси — 15тадан) ҳамда Роберто Карлос (16та).

Эслатиб ўтамиз, Месси ушбу мавсумда 21та ўйинда майдонга тушиб, 23та гол урди ва 13та голга ассистентлик қилди.