“Насаф” жамоаси Туркиянинг Анталия шаҳрида янги мавсумга тайёргарлик йиғинини якунлади. Шунингдек бугун йиғин доирасидаги сўнгги назорат учрашувини ҳам ўтказди.
Аввал хабар берганимиздек бугунги бўлиб ўтган еттинчи назорат учрашувида рақиб, Молдованинг “Тирасполь” жамоаси бўлди. Учрашувда ҳисоб очилмади, ҳар иккала жамоа ўйинчилари қанчалик ҳаракат қилишмасин дарвозаларга гол киритишни уддасидан чиқа олишмади.
Энди “Насаф” жамоаси Туркиядан юртимизга қайтади. Мухлислар номидан уларга сафарингиз бехатар бўлсин деб, қоламиз.
