2014 йилнинг иккинчи ярми молиявий ҳисоботларига кўра, "Манчестер Юнайтед"нинг қарзи 32,1 миллиона еврога кўпайди.

Англиянинг 20 карра чемпионларининг умумий қарзи 514,9 миллион еврога етди. Қарзнинг бу қадар ўсишига долларнинг фунтга бўлган курсини ўзгариши кўрсатилмоқда.

Эслатиб ўтамиз, бир қатор фахрий ўйинчиларнинг клубдан кетиши эвазига иш ҳақи сарфи 3,9 миллионга қисқарди (5,6 %).

"Еврокубокларда қатнашмаётганимизга қарамай, бу мавсумда ҳам бизнес-моделимиз кучли бўлиб қолмоқда. Жамоамиз бу мавсум тўртинчи ўринни эгаллаши мумкин", - дейди клубнинг ижрочи директори Эд Вудворд.

"Манчестер Юнайтед" Англия чемпионатининг 25-туридан сўнг 47 очко тўплаб, жадвалнинг учинчи ўрнида бормоқда.