Ўзбекистон ёшлар (U20) терма жамоаси шу йилнинг 17-21 февраль кунлари Мьянмада ўтказиладиган халқаро турнирда иштирок этиши ҳақида хабар бериб ўтган эдик. Унда Равшан Ҳайдаров жамоаси мезбон Мьянма ва Фижи термаларига қарши ўйинларда иштирок этиши керак эди.
Бироқ яқинда бўлиб ўтган ЖЧга қуръа ташлаш маросимидан кейин ёшларимиз ушбу мусобақага бормайдиган бўлишди. Боиси, қуръа натижасида Ўзбекистон Фижи билан бир гуруҳдан ўрин олди. Юқорида тилга олинган мусобақа доирасида Фижи ва Мьянма ўзаро икки марта баҳслашадилар.
Эслатиб ўтамиз, Янги Зеландияда бўлиб ўтадиган мусобақада терма жамоамиз Германия, Гондурас, Ўзбекистон ва Фижи терма жамоалари "Е" гуруҳидан ўрин олишган.
