Аdidas компанияси машҳур спортчилар иштирокида спортда энг яхши спортчи бўлишга иштиёқ уйғотувчи роликлар сериясини суратга олишни бошлади.

Бундай роликлар спортга муҳаббат қўйишга даъват этиб, ўзида спортнинг бутун моҳиятини қамрашни назарда тутган. Роликларда спортда ҳамиша энг яхши бўлиш учун имконият мавжудлиги, мағлубиятлар ортидан ғалабалар ҳам келиши ва бир дақиқада барчаси ўзгариб кетиши мумкинлиги тараннум этилган.

Бундай роликларнинг илк қисмида “Барселона” ҳужумчилари Лионель Месси ва Луис Суарес, “Реал” футболчилари Гарет Бейл ва Хамес Родригес, баскетболчилар Жоаким Ноа (“Чикаго Буллз”) ва Жон Уолл (“Вашингтон Уизардс”) суратга тушишган.