Россиянинг "Рубин" клуби бош директори Айрат Гараевнинг маълум қилишича, жамоанинг эронлик ҳужумчиси Сардор Азмунга Европанинг кўплаб жамоалари қизиқиш билдирмоқда.
"Азмунга жуда кўп клублар қизимоқда ва таклифлар ҳам жуда кўп. Шахсан менга Европалик агентлар қўнғироқ қилишди. Кўрамиз, қандай қизиқ таклифлар бўлар экан ёки умуман қўйиб юборамизми - шуниси номаълум.
Бош мураббийимиз унга ишонмоқда. Сардор бўйича қарорни Ринат Саярович (Билялетдинов - "Рубин бош мураббийи") чиқаради", - дейди Гараев.
Бу мавсум Азмун Россия премьер-лигасида 13 учрашув ўтказиб, бир гол урган ва бир голли пас узатган.
