"Ювентус"нинг 37 ёшли посбони Жанлуижи Буффон эртами, кечми, жамоасининг чемпионлар лигасида ғалаба қозонишига ишонмоқда.
Туринликлар охирги марта 1996 йилда ушба мусобақа ғолиби бўлган эдилар.
"Албатта, бизнинг мақсадимиз - скудеттонинг қаторасига тўртинчи марта қўлга киритиш. Шунингдек, чемпионлар лигасида ҳам узоқроққа бориш. Клуб тарихини ҳисобга олиб, эртами, кечми, "Ювентус"нинг чемпионлар лигасида яна ғалаба қозонишига ишонман. Ўшанда унинг сафида бўламанми, йўқми, билмайман. Бунинг устида ишлаяпмиз, аммо қийинчиликлар кўп.
Погбанинг кетиши? Буни мен ҳал қилмаслигимдан хурсандман. Бунга жавоб берадиганлар нима қилинса клубга ҳам, футболчига ҳам бирдай яхши бўлишини биладилар", - дейди Буффон.
Эслатиб ўтамиз, "Ювентус" чемпионлар лигасининг 1/8 финалида Дортмунднинг "Боруссия" клуби билан тўқнашадилар. Учрашув 24 февраль куни Туринда бўлиб ўтади.
