"Брэдфорд" бош мураббийи Фил Паркинсон Англия кубоги 1/8 финалида "Сандерленд" устидан қозонилган ғалабадан сўнг (2:0) навбатдаги босқичда "Манчестер Юнайтед" билан ўйнагиси борлигини билдирди.
Эслатиб ўтамиз, Фил Паркинсон шогирдлари 1/16 финалда "Челси"ни мусобақадан чиқариб юборган эдилар.
"Бу сафарги рақибимиз "Манчестер Юнайтед" бўлишини жуда истаймиз. Президентимиз бошқача ўйлаётган бўлсада, ўйин уйимизда бўлган яхшироқ. Агар ишимизга муносабатимизни ўзгартирмасак, ҳамма нарса бўлиши мумкин. Бизни "Уэмбли"дан бир ўйин ажратиб турибди. Бугун ҳам стадиондаги муҳит ажойиб эди, стадионга 24 минг мухлис ташриф буюрди", - дейди Паркинсон.
