Туриннинг "Ювентус" клуби ярим ҳимоячиси Клаудио Маркизио ўз жамоаси Чемпионлар Лигаси финалида ўйнашни истаётганини таъкидлади.
"Биз доим ғалаба ҳақида ўйлаймиз. "Ювентус"нинг мақсади - Чемпионлар Лигаси финалида ўйнаш. "Ювентус" қийинчилик билан плей-оффга йўлланма олди. Биз Дортмунднинг "Боруссия" клуби билан деярли бир хил савиядамиз. Аввало "Боруссия"ни мағлуб этишимиз керак ва шундан кейин навбатдаги ўйинлар ҳақида ўйлаймиз. Энг асосийси - навбатдаги босқичга чиқиш. Айни дамда мени ва жамоамни ўйлантираётган масала айнан шу", - дейди Маркизио.