"Фейеноорд" яримҳимоячиси Йорди Класи Европа лигасининг 1/16 финалида "Рома"га қарши ўйин олдидан бир кун келиб ўзини Европанинг кучли клубларида синаб кўриш орзуси ҳақида сўзлади.
"Ҳозир хаёлларим 100 фоиз "Фейенорд" ўйинларига қаратилган. Аммо чет элда ўйнашни ҳам орзу қиламан, балки, Италиядир. Мени кўпинча Хавига ўхшатишади. Аммо бунга ҳали анча эрта деб ўйлайман.
Учрашувга келсак, биз плей-оффда кучли рақибни кутган эдик. Мавсум давомида кўтарилишлар, пасайишлар бўлиб туради. Италия жамоалари кучли бўладилар, мен қийин ўйинни кутяпман", - дейди Класи.
