Яримҳимоячи Серхио Бускетс ва "Барселона" клуби ўртасида тузиладиган узоқ муддатли шартномада белгиланадиган товон пулининг суммаси аниқ бўлди.
Испания термасининг 26 ёшли футболчисини сотиб олишни истаган клуб 175 миллион евро тўлаши керак бўлади.
Эслатиб ўтамиз, чоршанба куни "Барселона" Бускетс билан шартномасини 2019 йилгача узайтириши маълум бўлган эди.
Шартнома имзолангандан сўнг Бускетс Месси, Хави ва Иньестадан сўнг клубнинг энг кўп ҳақ оладиган футболчисига айланади. Аввалроқ янги шартнома бўйича футболчи йилига 10 миллион евро олиши хабар қилинган эди.













