Либертадорес кубогида боливиянинг "Сан-Хосе Оруро" клубига қарши сафар учрашуви олдидан аргентинанинг "Ривер Плейт" клуби футболчилари силденалфин, яъни виагра номи билан машҳур дори воситасини қабул қиладилар.
Бу ҳақда Goal нашри хабар бермоқда. Гап шундаки, "Сан-Хосе Оруро"нинг стадиони денгиз сатҳидан 3,7 минг метр баландда жойлашган, бу меҳмон жамоалар учун муаммо бўлмоқда. "Ривер Плейт" шифокорларининг фикрича, виагра ўйинчиларнинг қонида кислород айланишини мўътадиллаштиради ва енгил нафас олишларига ёрдам беради.
Бундан ташқари, аргентиналиклар стадионга учрашувдан икки соат олдин етиб келадилар.
