Бугун “Пахтакор” клуби янги футболчиларни таништириш маросимини ўтказди. Ҳужумчи Наврўз Алимов янги жамоадошлари билан тезда тил топишиб кетганини айтиб ўтди.
“Жамоа билан Тошкент ва Туркиядаги йиғинларда иштирок этдим. Футболчилар билан тил топишиш катта муаммо туғдиргани йўқ. Уларнинг кўпи билан анчадан бери таниш бўлсам, қолганлар мени яхши қабул қилди. “Пахтакор” билан ЧЛда яхши қатнашишни мақсад қилганмиз”.
Эслатиб ўтамиз, Наврўз Алимов сўнгги икки мавсумни “Қизилқум” сафида ўтказганди. “Олтин изловчилар” сафида 34 ўйинда майдонга тушган футболчи 4 бора рақиб дарвозасига тўп киритган. Алимов “Пахтакор”да 16-рақам остида тўп суради.
