"Реал" яримҳимоячиси Мартин Эдегор мадридликлар сафига ўтишдан аввал "Барселона" билан музокара олиб борган, дея хабар беради El Confidencial.
Манбада келтирилишича, "Стрёмсгодсет"нинг собиқ ўйинчиси Барселонага ўз отаси ва агенти Эрик Эдегор билан келган ҳамда каталонияликларнинг собиқ спорт директори Андони Субисаррета билан учрашган.
Субисаррета футболчининг олдига трансферни айнан бир агент орқали амалга ошириш шартини қўяди. Бу футболчининг отасига ёқмади. Футболчининг қарорига "Барса"га қўйилган трансфер тақиқи ҳам рол ўйнаган, тақиққа кўра каталонияликлар билан шартнома имзолаган футболчи 2016 йилгача майдонга туша олмайди. Натижада Эдегор "Реал"ни танлади.
