"Интер" ҳимоячиси Неманья Видич жамоа бош мураббийи Роберто Манчини билан келиша олмагани сабабли мавсум тугагач клубни тарк этиши мумкин, дея хабар беради Tuttosport.
Футболчи билан мураббий ўртасида келишмовчилик Европа лигасининг 1/16 финалида "Селтик" билан учрашувда келиб чиқди.
"МЮ"нинг собиқ футболчиси захирадан майдонга тушиши керак эди. Майдонга тушиши маълум бўлгач, Видич қалқончаларни таққан ва бу ишни узоқ бажарган. Натижада Манчини ўйнагиси келмаяпти, деган хаёлга борган ва Видични майдонга тушириш фикридан қайтган.
Манбада келтирилишича, 2016 йилгача шартнома имзолаган Видич мавсум тугагач "Интер"ни тарк этиши мумкин.