“Бунёдкор”нинг собиқ украиналик ҳужумчиси Александр Пишур энди Қозоғистон Премьер-лигасида тўп суради. У “Тараз” билан бир йиллик шартнома имзолади, деб хабар беради football.ua.
Украинада “Волинь” ва “Металлист”да тўп сурган ҳужумчи тўртинчи марта четда тўп суради. У илгари Белорусия, (“Днепр-Трансмаш” — 52 ўйин 19 гол, 2001-2003 йиллар), Словакия (“Ружомберок” — 22 ўйин 11 гол, 2009-2010 йиллар) ва Ўзбекистон (“Бунёдкор” — 69 ўйин 35 гол, 2013-2014 йиллар) чемпионатларида тўп сурган. “Қалдирғочлар” Ўзбекистон чемпионлиги ва Кубогини қўлга киритган. Бундан ташқари Олий Лиганинг энг яхши тўпурарига айланган.
