"ПСЖ" ва Швеция терма жамоаси ҳужумчиси Златан Иброҳимович ўз баданига очликдан азоб чекаётган 50 боланинг исмини татуировка шаклида ёздириб, Франция чемпионатининг аввалги турида "Кан"га қарши бўлиб ўтган ўйинда уларни намойиш қилганди.
Златан бу ишни World Food Programme ташкилотининг жаҳон бўйлаб очликка қарши кураш дастури доирасида амалга оширганди. Шунингдек, у мазкур дастур доирасида видеороликка ҳам тушди. "ПСЖ" футболчиси ҳозирда баданидаги ёзувларни ўчирди.
"Баданимда исмлар энди йўқ, лекин очликдан азобланаётган одамлар ҳеч қаёққа йўқолгани йўқ. Ер юзида 805 миллион оч инсон борлигин унутманг", - дея ёзади Иброҳимович ўзининг Инстаграмида.