Осиё чемпионлар лигасининг H гуруҳи вакиллари япониянинг "Кашима Антлерс" ва австралиянинг "Вестерн Сидней" клублари ўртасидаги учрашувда меҳмонлар 3:1 ҳисобида ғалаба қозондилар.

Ўйинда киритилган дастлабки икки голни "Кашима" футболчилари киритдилар. 54- дақиқада Шуто Ямомото ўз дарвозасини ишғол қилган бўлса, 68-дақиқада Шома Дои ҳисобни тенглаштирди.

Аммо ўйин асосий якунланишига 4-дақиқа қолганида яшил қитъа вакилларининг япониялик легионери Йоичиро Такахаги жамоасини олдинга олиб чиқди. Қўшиб берилган дақиқаларнинг 3-сида Марк Бридж ғалабани янада мустаҳкамлади.

Ушу гуруҳнинг иккинчи жуфтлиги "Гуангчжоу Эвергранд" (Хитой) ва "Сувон" (Жан. Корея) учрашуви соат 17:00да бошланади.

ОЧЛ. 1-тур, H гуруҳи
"Кашима Антлерс" (Япония) - "Вестерн Сидней" (Австралия) 1:3
Гол: Шома Дои (68) - Шуто Ямомото (54-автогол), Йоичиро Такахаги (86), Марк Бридж (90+3)