ФИФА трансфер қоидаларини бузгани учун “Альмерия”ни жазолаши мумкин. Marca нашрига таяниб “СЭ”нинг хабар қилишича, испан клуби устидан “Ольборг” шикоят қилган.
“Ольборг” клуби 2010-12 йилларда жамоа таркибида ҳаракат қилган Микаэл Якобсен учун “Альмерия” уларга 60 минг евро тўлаши лозимлигини таъкидламоқда. “Альмерия” бутун суммани тўлаганини айтиб, қарзни тўлашдан бош тортмоқда.
ФИФА испан футбол лигаси орқали “Альмерия”дан Испания чемпионатида 3 очко олиб ташланиши мумкинлиги ҳақида жамоани огоҳлантирди. “Альмерия” эса ўз навбатида хотиржамликни сақлаб қолмоқда ва Лозанннадаги Спорт арбитраж судига мурожаат қилмоқчи.
